Аҧсны Аҳәынҭқарра Аекономика аминистрра иаҧнаҵеит арзаҳал алазҵаз рзы иара иаҵанакуа акадртә резерв аҧхьаҟа аусура раларгаразы.
Акадртә резерв алаларазы арзаҳал аҩразы «Аилыркаа-арезиуме» харҭәааны абри аелектронтә ҭыӡҭыҧ ахь (алада шәахә.) ишьҭтәуп:
k.gvadaliya@mineconom-ra.org
Азыҳәарақәа рыдыркылоит иара убас иреиҳау аҵараиурҭақәа рыҟны аҵара зҵо астудентцәа рыҟнытә. Иалкаау акандидатцәа Аекономика аминистрра акадрқәа рреестр иалаҵахоит. Аусбарҭа аусура алагаларазы иаҭаху аинформациа шәыҭахоит, имҩаҧгахоит аиҧыларақәеи асеминарқәеи.
