АҦСНЫ АҲӘЫНҬҚАРРА
АЕКОНОМИКА АМИНИСТРРА
MINISTRY OF ECONOMY
OF THE REPUBLIC OF ABKHAZIA

Гагра араион аҟны ааглыхра ҿыц аусура иалагеит

19 November 2018

Абҵарамза 19 рзы Аҧсны Аҳәынҭқарра Аекономика аминистр ихаҭыҧуаҩ Заур Гәлиа Гагра араион Бзыҧҭа аҳаблаҟны ахықәкы рацәа змоу ааглыхра-хәаахәҭратә комплекс ЗҲӘА «Зодиак» официалла аартра далахәын.

Аартра ацеремониа аҽалархәразы Аҧсныҟа иааит ари аинвестициатә проект афинансқәа азоузыжьуа ЗҲӘА «ВЭБ Капитал» аилахәыра анапхгара.

Аҟәа аилахәыра ахаҭарнакцәа идикылеит Аҧыза-министр, Аҧсны Аҳәынҭқарра Афинансқәа рминистр Џьансыхә Нанба. Уи асасцәа бзиала шәаабеит ҳәа раҳәаны иҭабуп ҳәа ахиҳәааит ЗҲӘА «ВЭБ Капитал» акоманда ареспубликаҿы апроектқәа рымҩаҧгараҟны иҟарҵаз алагаламҭазы.

Аекономика аминистрраҟны аилацәажәара мҩаҧысит аминистр ихаҭыҧуаҩ Заур Гәлиа, азинтә ҟәша аиҳабы Саид Гәлариа, Аҳәынҭқарратә инвестициатә усбарҭа аспециалист хад Саида Ласариа, ЗҲӘА «ВЭБ Капитал» анапхгара алархәны.

Аилацәажәараан аганқәа ЗҲӘА «ВЭБ Капитал» Аҧсны Аҳәынҭқарраҟны абжьаратәии абизнес дуи ҷыдалатәи акредиттә цхыраара рыҭаразы Апрограмма аҳәаақәа ирҭагӡаны аинвестициатә проектқәа рынагӡара иалацәажәеит.

Аилацәажәара ашьҭахь Гагара араион ахь ицеит ааглыхра-хәаахәҭратә комплекс ЗҲӘА «Зодиак» официалла аартразы.

Аобиект аартра аламҭалазы апроект аҧшьгаҩи ЗҲӘА «Зодиак» Адиректор хада Амра Қонџьариа акомплекс ааглыхратә базаҟны аекскурсиа мҩаҧылгеит, ааглыхра атехнологиа атәы рзеиҭалҳәеит.

«Апроект ала иарбоуп ача аӡра, акондитертә аалыҵи амакарони рҭыжьра. Иара убас шықәсыбжак ашьҭахь афатә аалыҵбжа аҭыжьра ҳалагоит. Амыруга зегьы, шамахамзар, Урыстәылатәи Афедерациаҟнытә иаагоуп иеицырдыруа аҭыжьҩцәа рыҟнытә», - лҳәеит лара.

Анаплакҩы Амра Конџьариа иазгәалҭеит абизнес лнапы алакуижьҭеи акыр шыҵуа, ҷыдала, ачеи ачалыхи рҭыжьра.

«Ҷыдалатәи акредиттә зоужьра апрограмма аӡбахә ансаҳа, схы аласырхәырц сыӡбеит, Аекономика аминистрра ацхыраара ду снаҭеит. Сара алхра аетапқәа зегьы сырхысит, иахьа алҵшәа жәбартә иҟоуп. Ҳусзуҩцәа зегьы рыхьӡала Аҧсны анапхгара, еиҳаракгьы, Аекономика аминистрра, ЗҲӘА «ВЭБ Капитал» аилахәыра ҳапроект анагӡара алшара ҳазҭаз, иҭабуп ҳәа расҳәоит», - лҳәеит лара иаҵшьны.

Акомплекс «Зодиак» аартра ацеремониаҟны дықәгылеит Аекономика аминистр ихаҭыҧуаҩ Заур Гәлиа, уи иаҵшьны иҳәеит Аҧсны азы ас еиҧш анаплакқәа раҧҵара аҵак ду шамоу.

«Аинвестицтә проект анагӡара алыршахеит абжьаратәии абизнес дуи ҷыдалатәи акредиттә цхыраара рыҭаразы Апрограмма иабзоураны. Апроект иазҧхьагәанаҭоит 35 инареиҳаны усураҭа ҭыҧ аҧҵареи есышықәса абиуџьет ахь 5 млн мааҭ инареиҳаны ашәахтә хыҧхьаӡаларақәеи», - иазгәеиҭеит Заур Гәлиа.

Уи иажәақәа рыла, апроект анагӡаразы ЗҲӘА «ВЭБ Капитал» аилахәыра ҷыдалатәи ацхыраара аҳасабала 66 млн мааҭ аҧсахратә ҳархәага рзаунажьит. Уи адагьы, аминистр ихаҭыҧуаҩ иазгәеиҭеит, аҳәынҭқарра аганахьалагьы ишазоужьу 7,5 млн мааҭ ианрзынаҧшуа.

«Ари аицҵалыҵ цхыраагӡа дууп ихацыркхо абизнес азы, уи иазҧхьагәаҭоу аусурақәа зегьы рхыркәшара арласит», - иҳәеит Заур Гәлиа.

Аекономика аминистр ихаҭыҧуаҩ иаҵшьны иҳәеит амакарон ҭыжьра иазку ЗҲӘА «ВЭБ Капитал» ас еиҧш, аҧхьа иргыланы иаҭаху аалыҵ ҭзыжьуа наплакуп Аҧсны, аимпорт зыҧсахуа алыҵ аҟазшьагьы амоуп.

«Ари ааглыхра аҩныҵҟатәи аџьырмыкьаҟны зхаҭабзиара ҳараку аҧснытәи аалыҵ ала аҧсахра алнаршоит», - иҳәеит иара.

ЗҲӘА «Зодиак» апроект Аҧсны Аекономика аминистрраҟны ирыдыркылеит 2015 шықәсазы инарҭбааны имҩаҧнагаз аицлабра шьаҭас иаҭаны. Қәҿиарала Аҧсны имҩаҧгаз алхра ашьҭахь аинвестициатә проект шьақәырҕәҕәан Урыстәылатәи Афедерациаҟны, уи анагӡаразгьы иазоужьын 66 млн 857 нызқь мааҭ аҧсахратә шьаҭала. Апроект иара убас иалагалоуп иара ЗҲӘА «Зодиак» ахатә хархәагақәа 7 млн 428 нызқь мааҭ. Апроект адгылара аҭаразы Аҧсны Аҳәынҭқарра аганахьалагьы иазоужьуп 7 млн 416 нызқь мааҭ рҟынӡа.

2.JPG

8н.jpg

Замминистра экономики Заур Гулиа торжественно запускает конвейерную ленту по производству макарон под торговой маркой «Апсны». Фото: Нужная газета

4.JPG