Жьҭаарамза 12 рзы Ажәбатәи Аҧсны-Урыстәылатәи аустә форум аҳәаа иҭагӡаны ирылаҳәоуп анаплакҩцәа русураҟны Есышықәсатәи Амилаҭтә еицлабра.
Еиуеиҧшым аноминациақәа рыла аиааира ргеит:
1) «Ааглыхратә аалыҵ иреиҕьу аҭыжьҩы - аекспортиор» - аҧсыӡ аиҭаусадуларазы в ареспубликаҟны раҧхьатәи анаплакы ЗҲӘА АН «Акамшьиа»;
2) «Ахәаахәҭра (азеиҧштә, азаҵәҭира) усхк аҟны иреиҕьу анаплакы» - ЗҲӘА «Премиум»;
3) «Акурорт-туристтә сектор аҟны иреиҕьу анхарҭа ҭыҧ» - ҳазҭагылоу аамҭазтәи асасааирҭа ЗҲӘА «Вэлнес парк отель»;
4) «Ақыҭанхамҩа аусхк аҟны иреиҕьу анаплакы» - ақыҭанхамҩатә аарыҵқәа раарыхра, реихшара, реиидкылара, рыҵәахра, рнагаразы акомплекстә наплакы ЗҲӘА «Кындыҕ-Агро»;
5) «Ашықәсазтәи аихьӡара (ашықәсазтәи анаплакратә)» - амаденҵхырҭақәа разырхиареи аинерттә материалқәа рыҵыхреи рзы аилахәырақәа «Иеидҵоу аиҭаусадуларатә комплекс»;
6) «Иреиҕьу ауаажәларратә крыфарҭатә наплакы» - аресторан «Ерцахә»;
7) «Иреиҕьу урыстәыла-аҧснытәи абизнес» - амобилтә оператор ЗҲӘА АН «А-мобаил»;
8) «Абизнес ду асоциалтә ҭакҧхықәреи агәыҳалалратә усуреи – аҧснытәи ааҩы аҭыжьҩи аекспортиор дуи ЗҲӘА «аҧсны аҩқәеи аӡқәеи».
Аицлабра еиҿыркааит Аекономика аминистрреи Ахәаахәҭра-ааглыхратә палатеи. Раҧхьаӡа анаплакҩцәа реицлабра мҩаҧысит 2017 шықәсазы Ааҩбатәи Аҧсны-Урыстәылатәи аустә форум аҳәаа иҭагӡаны.