АҦСНЫ АҲӘЫНҬҚАРРА
АЕКОНОМИКА АМИНИСТРРА
MINISTRY OF ECONOMY
OF THE REPUBLIC OF ABKHAZIA

Адгәыр Арӡынбеи Игор Кошини рыпресс-брифинг

12 October 2018

Жьҭаарамза 12 рзы Ажәбатәи аҧсны-урыстәылатәи аустә форум апленартә еилатәара аихшьалақәа рыла имҩаҧысит Аҧсны Аҳәынҭқарра Аекономика аминситр Адгәыр Ардзынбеи Аҩадатәи Кавказ аусқәа рзы УА Аминистр ихаҭыҧуаҩ Игор Кошини рыпресс-брифинг.

Ажурналистцәа рызҵаара афорум аихшьалақәа шәыззыҧшуи ҳәа азҵаара аҭакс Аҧсны Аекономика аминистр аҭакс иҳәеит афорум аҟны ирылаҳәаз аекспертцәа ридеиақәа, разнеишьақәа, ргәаанагарақәа аҧхьаҟа ҳпартиортә еизыҟазаашьақәа аҧышәаҟны рынагӡара шьаҭас ирураны иҟоуп ҳәа.

«Ҵыҧхцәатәи ашықәс азы ҳара аинвестициатә еиқәшаҳаҭрақәа жәпакы ирыҵаҳҩит, урҭ аихьӡарақәа рыман. Урҭ аилахәырақәа руак иахьа аҳамҭа аиуит анаплакыҩцәа ирыбжьаз аицлабраҟны, ари ЗҲӘА «Кындыҕ-Агро» ауп. Аҧсны-урыстәылатәи аусеицура аҳәаа иҭагӡаны, ҷыдала, альготатә крдиттәра апрограммала инагӡоуп апроектқәа жәпакы.

Ҵыҧхтәи ашықәс азы афорум аан иаҵаҩын Ареспублика Крымҟа аинерттә материалқәа ргаразы аиқәшаҳаҭра. Уи хацыркуп, аусура бзианы имҩаҧысуеит. Иахьазы 120 нызқь тонна рҟынӡа ргахьеит.

Абри анаҩс, афорум аҟны уажәы ҳазҭагылоу аамҭазтәи азҵаарақәа ирылацәажәоит. Иҟоуп ауадаҩрақәа, аха аихьӡарақәагьы ҳамоуп», - иҳәеит Адгәы Арӡынба.

Аҩадатәи Кавказ аусқәа рзы УА Аминистр ихаҭыҧуаҩ Игор Кошин иазгәеиҭеит иарбанфорумзаалакгьы ахархәаратә ҟазшьа амаӡам – «Абар ҳаиқәшәеит, иаразнак ҳнапқәа рыҵаҳҩит» ҳәа иҟалаӡом.

«Афорум аҟны аилазааратә проблемақәа ирылацәажәоит. Ҳара игәаҳҭеит, иахьа аимак-аиҿак ыҟан аинвестициақәа радҧхьалара, азакәанҧҵара аҧсахрақәа ралагалара, аинфраструктура ҿаиара инамаданы. Афорум - аекспертцәа, аспециалистцәа, руководители аминистрақәеи аусбарҭақәеи рнапхгаҩцәа ашьақәгылашьатә проблемақәеи урҭ ӡбашьас ирымои иахьрылацәажәо ҭыҧуп. Ари акраҵанакуеит. Апленартә еилатәараҟны зеиҧшла ахрҭәаара ыҟан, уажәы аишәа гьежь аҟны хәҭа-хәҭала ахцәажаәара ҟалоит», - Игор Кошин.

Аҧсны Аекономика аминистр Адгәыр Арӡынба Апленартә еилатәараҿы иқәгылараҟны иазгәеиҭеит:

«Ишдыру еиҧш, урыстәылатәи амааҭ Аҧсны ҧара хаданы иҟоуп. Аха убас шакәугьы, ҳтәылақәа рыбжьара иахьагьы абри аусхк азы аиқәшаҳаҭра ыҟаӡам. Ҳара ҳекономикаҟны амааҭқәа зегьы егьырҭ зегьы реиҧш, тауаруп. Адәныҟахәаахәҭратә баланс иҵоурам асальдо аан ҳара аликвидтәреи аинвестициатә хархәагақәеи рзы адефицит ҕәҕәа ҳауеит абанктә системаҟны, ари ҳекономика аҿиара акырӡа иаҧырхагахоит».

Ажурналистцәа Аминистр абри атема далацәажәарц рҭаххеит.

«Сара ари саналацәажәоз, иззысҳәоз, адунеи аҿы аҳәынҭқаррақәа жәпакы рыҟны аҧышәа ыҟоуп азоуп. Абри атемала лассы-лассы аимак цәырҵуеит, еишьашәалоу аусбарҭақәа рыбжьара имҩаҧысуа аиҧыларақәа рҟынгьы.

Рацәак ҵуам Москва имҩаҧысит ҳҧыза-министр ихаҭыҧуаҩи, афинансқәа рминистри, амилаҭтә банк ахадеи УА Афинансқәа рминистри реиҧылара. Ирылацәажәеит Аҧсны абанктә система аҿиара.

Макьана ҷыдала акгьы азырхиаӡам. Сара иззааҭгылатәу ҳәа сгәаанагароуп сызлацәажәо. Еишьашәалоу аишәа гьежьқәа руак аан хара имгакәа инагӡахо арҭ ажәлагалақәа рылаҳәазар ҟалоит», - иҳәеит Адгәыр Арӡынба.

Апресс-брифинг аан аспикерцәа Аҧсны асоциалтә-економикатә ҿиара ацхырааразы Аинвестициатә программа анагӡареи, афымцамчи егьырҭ атемақәеи ирызкыз ажурналистцәа рызҵаарақәа рҭак ҟарҵеит.

Афорум Апленартә еилатәара ашьҭахь аусура иацҵан аишәа гьежьқәа «Аҧсни Урыстәылеи рыдәныҟеикономикатә усеицура», «Атуризм аусхк аҟны аусеицуреи аинырреи. Атуристтә аалыҵ ахаҭабзиара аиҕьтәра амҩақәа», «Абанктә сектор Аҧсны аекономика аизҳара афактор аҳасабала ҩ-ганктәи аусеицураан», «Аинформациатә технологиақәа русхк аҟны аусеицура» рыла, иара убас Урыстәыла-аҧснытәи аустә хеилак аилатәарала.